ನನ್ನ ಪ್ರಕಾರ ಸೌಂದರ್ಯ ಎನ್ನುವುದು ಬಾಹ್ಯ ಸೌಂದರ್ಯಕ್ಕೆ ಸೀಮಿತವಾಗಿಲ್ಲ, ಆಂತರಿಕ ಸೌಂದರ್ಯ ಕೂಡ ಅಷ್ಟೇ ಮಹತ್ವವನ್ನು ಹೊಂದಿದೆ. ನಮ್ಮ ಆಂತರಿಕ ಸೌಂದರ್ಯದಿಂದ ನೋಡಿದರೆ ಎಲ್ಲರೂ ಸುಂದರವಾಗಿ ಕಾಣುತ್ತದೆ.

ಈಗಿನ ಕಾಲದಲ್ಲಿ ಮೇಲಿನ ಸೌಂದರ್ಯಕ್ಕೆ ಹೆಚ್ಚಿನ ಮನ್ನಣೆ ಸಿಗುತ್ತದೆ. ಆಂತರಿಕ ಸೌಂದರ್ಯ ಯಾರಿಗೂ ಕೂಡ ಬೇಡ, ಕಾಲಸರಿದಂತೆ ಬಾಹ್ಯ ಸೌಂದರ್ಯ ಸರಿದು ಹೋಗುತ್ತದೆ ಆದರೆ ನಮ್ಮ ಆಂತರಿಕವಾಗಿ ನಾವು ನಮ್ಮ ಸೌಂದರ್ಯವನ್ನು ಚೆನ್ನಾಗ್ ಇರಿಸಿಕೊಂಡರೆ ಅದು ಎಂದಿಗೂ ಮಾಸುವುದಿಲ್ಲ. ಖಂಡಿತ ಸೌಂದರ್ಯ ಬಾಹ್ಯ ಸೌಂದರ್ಯವೇ ಮುಖ್ಯ, ಆದರೆ ಆಂತರಿಕವಾಗಿ ಸುಂದರವಾಗಿದ್ದರೆ ಬಾಹ್ಯ ಸೌಂದರ್ಯವು ಇನ್ನು ಹೆಚ್ಚು ಸುಂದರವಾಗುತ್ತದೆ. ಹಾಗಾದರೆ ಆಂತರಿಕ ಸೌಂದರ್ಯ ಎಂದರೇನು? ಆಂತರಿಕ ಸೌಂದರ್ಯವೆಂದರೆ ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವುದು, ಹಸಿದವರಿಗೆ ಒಂದು ತುತ್ತು ಅನ್ನ ಕೊಡುವುದು, ಇನ್ನೊಬ್ಬರನ್ನು ಹೀಯಾಳಿಸಿದ ಇರುವುದು, ಕಷ್ಟದಲ್ಲಿ ನೋಡಿ ನಗದೇ ಇರುವುದು ಮತ್ತು ಜೀವನದಲ್ಲಿ ಬೆಳೆಯುತ್ತಿರುವವರನ್ನು ತುಳಿಯದೇ ತಮಗೆ ಸಾಧ್ಯವಾದರೆ ಸಹಾಯ ಮಾಡುವುದು ಮುಂತಾದವು. ಇದೆಲ್ಲ ಇದ್ದರೆ ನಮ್ಮ ಬಾಹ್ಯ ಸೌಂದರ್ಯ ಇನ್ನು ಹೆಚ್ಚುವುದು. ಸೌಂದರ್ಯ ಎನ್ನುವುದು ನಮ್ಮ ಹೆಮ್ಮೆ, ಆಂತರಿಕ ಸೌಂದರ್ಯ ನಮ್ಮ ಗೌರವವನ್ನು ಹೆಚ್ಚಿಸುತ್ತದೆ. ಎಲ್ಲರೂ ನಮ್ಮನ್ನು ಗೌರವದಿಂದ ಕಾಣುತ್ತಾರೆ. ಸೌಂದರ್ಯ ಎನ್ನುವುದು ಕೇವಲ ಹೆಣ್ಣು ಮಕ್ಕಳಿಗೆ ಅಷ್ಟೇ ಅಲ್ಲ ಪ್ರತಿಯೊಬ್ಬರಿಗೂ ಇರುತ್ತದೆ. ಆದರೆ, ಹೆಣ್ಣು ಮಕ್ಕಳು ಅದನ್ನು ಇನ್ನಷ್ಟು ಕಾಳಜಿ ಮಾಡುತ್ತಾರೆ. ಆದರೆ ಈಗಿನ ಕಾಲದಲ್ಲಿ ಎಲ್ಲರೂ ಕೂಡ ತಮ್ಮ ಸೌಂದರ್ಯದ ಬಗ್ಗೆ ಹೆಚ್ಚಿನ ಕಾಳಜಿಯನ್ನು ವಹಿಸುತ್ತಿದ್ದಾರೆ.

ಬಾಹ್ಯ ಸೌಂದರ್ಯಕ್ಕೆ ಬಂದರೆ, ಪ್ರತಿಯೊಬ್ಬರೂ ಅವರವರಿಗೆ ತಕ್ಕಂತೆ ಫಾಶನ್ ಮಾಡುತ್ತಾರೆ. ಫ್ಯಾಶನ್ ನಿಂದ ಮಾತ್ರ ಸೌಂದರ್ಯವನ್ನು ತೋರಿಸಲು ಸಾಧ್ಯ ಎಂಬುದು ಕೊಂಚ ಕಷ್ಟ. ಏಕೆಂದರೆ, ಮೊದಲೇ ಹೇಳಿದ ಹಾಗೆ ಸೌಂದರ್ಯ ಎಂಬುದನ್ನು ಬರಿ ಬಾಹ್ಯ ಸೌಂದರ್ಯಕ್ಕೆ ಮಾತ್ರ ಸೀಮಿತವಲ್ಲ, ನಮ್ಮ ಆಂತರಿಕ ಸೌಂದರ್ಯವೂ ಹೆಚ್ಚು ಮಹತ್ವವನ್ನು ಹೊಂದಿದೆ.

ನಾವು ಎಷ್ಟು ಬಾಹ್ಯ ಸೌಂದರ್ಯವನ್ನು ಹೆಚ್ಚಿಸಿಕೊಂಡರೆ ಏನು ಸುಖ; ಆಂತರಿಕ ಸೌಂದರ್ಯ ಇಲ್ಲವೆಂದರೆ!

ಮನೋವಿಜ್ಞಾನದ ಪ್ರಕಾರ; ಇತ್ತೀಚಿನ ಯುವಕ-ಯುವತಿಯರು ಬಾಹ್ಯ ಸೌಂದರ್ಯವನ್ನು ನೋಡುವುದಿಲ್ಲ. ಏಕೆಂದರೆ, ತಮ್ಮ ಜೀವನಸಂಗಾತಿಯಲ್ಲಿ ಎಷ್ಟು ಸದ್ಗುಣ ವಿದೆ, ಇನ್ನೊಬ್ಬರ ಜೊತೆಯಲ್ಲಿ ಹೇಗೆ ನಡೆದುಕೊಳ್ಳುತ್ತಾರೆ ಮತ್ತು ಕಷ್ಟದಲ್ಲಿದ್ದವರಿಗೆ ಹೇಗೆ ಸಹಾಯ ಮಾಡುತ್ತಾರೆ ಎಂದು ನೋಡುತ್ತಾರೆ.

ನಾನು ಇಲ್ಲಿ ಫ್ಯಾಶನ್ ಮುಖ್ಯವಲ್ಲ ಎಂದು ಹೇಳುತ್ತಿಲ್ಲ, ಇಂದಿನ ಜಗತ್ತಿನಲ್ಲಿ ಆಂತರಿಕ ಸೌಂದರ್ಯ ಎಷ್ಟು ಮುಖ್ಯ ಇಂದಿನ ಜಗತ್ತಿನಲ್ಲಿ ಬಾಹ್ಯ ಸೌಂದರ್ಯ ಅಷ್ಟೇ ಮುಖ್ಯವಾಗಿದೆ. ನಾವು ಸಮಾಜದ ಒಳಗೆ ಜೀವಿಸುವ ಜೀವಿಗಳು, ನಾವು ಎಂದಿಗೂ ಕೂಡ ಸಮಾಜವನ್ನು ಬಿಟ್ಟು ಹೋಗಲು ಸಾಧ್ಯವಿಲ್ಲ. ಆದ್ದರಿಂದ ಸಮಾಜ ಬದಲಾದಂತೆ ನಾವು ಕೂಡ ಬದಲಾಗುವುದು ಅನಿವಾರ್ಯವಾಗುತ್ತದೆ. ಹಿಂದಿನ ಕಾಲದ ಜನರು ಹೇಳುತ್ತಿದ್ದರು; ಗಾಳಿ ಹೇಗೆ ಬರುತ್ತದೆ ಹಾಗೆ ನಾವು ಹೋಗಬೇಕೇ ಹೊರತು, ಅದರ ವಿರುದ್ಧವಾಗಿ ನಡೆದರೆ ತೊಂದರೆ ಮತ್ತು ನೋವುಂಟಾಗುವುದು ನಮಗೆ ಹೊರತು ಇನ್ಯಾರಿಗೂ ಅಲ್ಲ.

Be happy,
Be beautiful.

ಫಾಶನ್ ಮೂಲಕ ನಮ್ಮ ಸೌಂದರ್ಯವನ್ನು ಹೇಗೆ ಹೆಚ್ಚಿಸಿಕೊಳ್ಳುವುದು. ನಾನು ಮೊದಲೇ ಹೇಳಿದಹಾಗೆ ಬಾಯ ಸೌಂದರ್ಯವು ಕೂಡ ಬಹಳ ಮುಖ್ಯ. ಹಾಗಾದರೆ, ಫ್ಯಾಶನ್ ಮೂಲಕ ನಾವು ನಮ್ಮ ಬಾಹ್ಯ ಸೌಂದರ್ಯವನ್ನು ಹೇಗೆ ಉತ್ತಮ ಪಡಿಸಿಕೊಳ್ಳಬಹುದು?. ಫ್ಯಾಶನ್ ಎಂಬುದು ಬರೀ ಮೇಕಪ್ ಮತ್ತು ಡ್ರೆಸ್ಸಿಂಗ್ ಗೆ ಮಾತ್ರ ಸೀಮಿತವಲ್ಲ. ನೀವು ಯೋಚಿಸಬಹುದು, ಹಾಗಾದರೆ ಫ್ಯಾಶನ್ ಎಂದರೇನು?, ಅದರಿಂದ ಬಾಹ್ಯ ಸೌಂದರ್ಯವನ್ನು ಹೇಗೆ ಉತ್ತಮಗೊಳಿಸಬಹುದು ಎಂದು. ಇಲ್ಲಿ ನೀಡುವಂತಹ ಕೆಲವು ಉದಾಹರಣೆಗಳಿಂದ ನಿಮ್ಮ ಬಾಹ್ಯ ಸೌಂದರ್ಯವನ್ನು ಮಾತ್ರವಲ್ಲದೆ ಆಂತರಿಕ ಸೌಂದರ್ಯವನ್ನು ಸುಧಾರಿಸಿಕೊಳ್ಳಬಹುದು.

A brush of perfection.

ಸೌಂದರ್ಯ ಎಂಬ ಪದಕ್ಕೆ ಒಮ್ಮತವಿಲ್ಲ. ಇದಕ್ಕೆ ಸಾವಿರಾರು ವ್ಯಾಖ್ಯಾನಗಳು ಉಂಟು. ಅದರಿಂದ ನಮ್ಮಲ್ಲಿ ಕೆಲವು ಬದಲಾವಣೆಗಳನ್ನು ತಂದುಕೊಂಡರೆ ಅದರಿಂದ ನಮ್ಮ ವ್ಯಕ್ತಿತ್ವವನ್ನು ರೂಪಿಸಿಕೊಳ್ಳಬಹುದು ಮತ್ತು ಉತ್ತಮ ಪಡಿಸಿಕೊಳ್ಳಬಹುದು. ಅದಕ್ಕೆ ಕೆಲವೊಂದು ಟಿಪ್ಸ್ ಗಳು

1. ಹಾವ-ಭಾವ
2. ಉಡುಗೆ-ತೊಡುಗೆ
3. ನಮ್ಮ ನಡಿಗೆ
4. ಮಾತನಾಡುವ ಶೈಲಿ(talking style)
5. ಸಂವಹನ ಕೌಶಲ್ಯ(communication skill)
6. ಆತ್ಮಸ್ಥೈರ್ಯ (confidence)

ಹಾವ-ಭಾವ

ಮೊದಲಿಗೆ ಬಂದರೆ ನಮ್ಮ ಹಾವಭಾವ ಹೇಗಿರುತ್ತದೆ. ಅಂದರೆ ನಾವು ಯಾವುದೇ ಒಂದು ಸ್ಥಳಕ್ಕೆ ಹೋದಾಗ ಅಲ್ಲಿಗೆ ತಕ್ಕಂತೆ ನಮ್ಮ ಹಾವ-ಭಾವ ವಿರಬೇಕು, ಇಲ್ಲವಾದರೆ ನಾವು ಎಲ್ಲರಿಗಿಂತ ವಿಚಿತ್ರವಾಗಿ ಕಾಣಿಸಬಹುದು. ಹಾವಭಾವ ಎಂದರೆ ಕೆಲವರಿಗೆ ತಿಳಿಯದಿರಬಹುದು. ಹಾವಭಾವ ಎಂದರೆ, ನಮ್ಮ ಮುಖದ ಎಕ್ಸ್ಪ್ರೆಶನ್ ಹಾಗೂ ಬಾಡಿ ಲ್ಯಾಂಗ್ವೇಜ್ ಆಗಿರುತ್ತದೆ. ಒಬ್ಬರ ಜೊತೆಯಲ್ಲಿ ನಾವು ಮಾತನಾಡುವಾಗ ನಮ್ಮ ಮುಖದ ಎಕ್ಸ್ಪ್ರೆಶನ್ ಹೇಗಿರಬೇಕು ಹಾಗೂ ಯಾವ ಸಂದರ್ಭದಲ್ಲಿ ಹೇಗಿರಬೇಕು ಎಂದು ತಿಳಿದುಕೊಳ್ಳಬೇಕು. ಅವಾಗ ನಮ್ಮ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳಲು.

ಉಡುಗೆ-ತೊಡುಗೆ

ಇನ್ನೂ ಉಡುಗೆ-ತೊಡುಗೆ ಬಂದರೆ, ನಾವು ಯಾವ ಸಂದರ್ಭಕ್ಕೆ ಅಥವಾ ಯಾವ ಸ್ಥಳಕ್ಕೆ ಹೋಗುತ್ತಿದ್ದೇವೆ ಎಂಬುದನ್ನು ಮೊದಲು ತಿಳಿದುಕೊಳ್ಳಬೇಕು. ಏಕೆಂದರೆ, ಅದಕ್ಕೆ ತಕ್ಕಂತೆ ನಮ್ಮ ಡ್ರೆಸ್ಸಿಂಗ್ ಸೆನ್ಸ್ ಇರಬೇಕು. ಇಲ್ಲವಾದರೆ ಮೊದಲೇ ಹೇಳಿದಹಾಗೆ ವಿಚಿತ್ರವಾಗಿ ಕಾಣಿಸಬಹುದು. ನಾವು ಯಾವಾಗಲೂ ಒಂದೇ ರೀತಿಯಲ್ಲಿ ನಡೆದುಕೊಳ್ಳಲು ಸಾಧ್ಯವಿಲ್ಲ. ಸಂದರ್ಭಕ್ಕೆ ತಕ್ಕಂತೆ ಕೊಂಚ ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು.
ಉದಾಹರಣೆಗೆ: ಮಕ್ಕಳು ಶಾಲಾ ಅಥವಾ ಕಾಲೇಜಿನಲ್ಲಿ ಇದ್ದಹಾಗೆ ಮನೆಯಲ್ಲಿ ಇರುವುದಿಲ್ಲ, ಮನೆಯಲ್ಲಿ ಇದ್ದ ಹಾಗೆ ಶಾಲಾ-ಕಾಲೇಜಿನಲ್ಲಿ ಇರುವುದಿಲ್ಲ. ಹಾಗೆಯೇ ನಮ್ಮ ಉಡುಗೆ-ತೊಡುಗೆ ಕೂಡ ಸಂದರ್ಭಕ್ಕೆ ತಕ್ಕಂತೆ ಇರಬೇಕು.

ನಮ್ಮ ನಡಿಗೆ

ಏನಪ್ಪಾ ಇವರು ನಮ್ಮ ನಡಿಗೆ ಎಂದು ಹೇಳುತ್ತಿದ್ದಾರೆ ಎಂದು ಯೋಚಿಸಬಹುದು. ನಮ್ಮ ಬಾಹ್ಯ ಸೌಂದರ್ಯದಲ್ಲಿ ನಮ್ಮ ನಡಿಗೆ ಕೂಡ ಒಂದು ಮಹತ್ವವಾದ ಸ್ಥಾನವನ್ನು ಪಡೆದುಕೊಂಡಿರುತ್ತದೆ. ಏಕೆಂದರೆ, ನಮ್ಮ ನಡಿಗೆಯಲ್ಲಿಯೆ ಜನರು ನಮಗೆ ಎಷ್ಟು ಆತ್ಮಸ್ಥೈರ್ಯ ಇದೆ ಎಂದು ಅಲ್ಲೇ ತಿಳಿದುಕೊಳ್ಳುತ್ತಾರೆ. ಹಾಗಾಗಿ ಇನ್ ನಾವು ನಡೆಯುವಾಗ ಬಾಡಿಯನ್ನು ಸ್ಟ್ರೇಟ್ ಆಗಿ ಮತ್ತು ಕತ್ತನ್ನು ನೇರವಾಗಿ ಇರುವಂತೆ ನಡೆಯಬೇಕು. ಯಾವುದೇ ಸಂದರ್ಭದಲ್ಲೂ ಕೂಡ ನಮ್ಮ ಆತ್ಮವಿಶ್ವಾಸವನ್ನು ಕಳೆದುಕೊಳ್ಳಬಾರದು.

ಮಾತನಾಡುವ ಶೈಲಿ

ಮಾತನಾಡುವ ಶೈಲಿ ಕೂಡಾ ನಮ್ಮ ಬಾಹ್ಯ ಹಾಗೂ ಆಂತರಿಕ ಸೌಂದರ್ಯಗಳಲ್ಲಿ ಮಹತ್ವವಾದ ಸ್ಥಾನವನ್ನು ಪಡೆದುಕೊಂಡಿದೆ. ನಾವು ಒಬ್ಬರ ಜೊತೆ ಹೇಗೆ ಮಾತನಾಡುತ್ತೇವೆ ಎಂಬುದು ಇಲ್ಲಿ ಮುಖ್ಯವಾಗುತ್ತದೆ. ಮನೋವಿಜ್ಞಾನದ ಪ್ರಕಾರ; ನಾವು ಒಬ್ಬರ ಜೊತೆ ಮಾತನಾಡುವಾಗ ಮುಖದಲ್ಲಿ ನಗುವನ್ನು ಅಥವಾ ಮುಗುಳು ನಗುವನ್ನು ಇಟ್ಟುಕೊಂಡು ಮಾತನಾಡಿದರೆ ನಮ್ಮ ಮಾತಿನಕಡೆ ಹೆಚ್ಚಿನ ಜನರು ಗಮನಹರಿಸುತ್ತಾರೆ ಹಾಗೂ ಯಾರಾದರೂ ನಮ್ಮ ಮಾತನ್ನು ಆಲಿಸುತ್ತಿಲ್ಲ ಎಂದರೆ ಪೆನ್ ಅಥವಾ ಯಾವುದಾದರೂ ವಸ್ತುವನ್ನು ಕೆಳಗೆ ಬೀಳಿಸಿ ಅದನ್ನು ಎತ್ತಿಕೊಳ್ಳುವಾಗ ನಿಮ್ಮ ವಿಷಯವನ್ನು ಮಂಡಿಸಬಹುದು. ನಾವು ಒಬ್ಬರ ಜೊತೆ ಎಷ್ಟು ನಮ್ಯತೆ ಇಂದ ಹಾಗೂ ಗೌರವ ಕೊಟ್ಟು ಮಾತನಾಡಿಸುತ್ತೇವೆ ಎಂಬುದು ಕೂಡ ಇಲ್ಲಿ ಮುಖ್ಯವಾಗುತ್ತದೆ.

ಸಂವಹನ ಕೌಶಲ್ಯ

ಮಾತನಾಡುವ ಶೈಲಿ ಎಂದಮೇಲೆ ಸಂವಹನ ಕೌಶಲ್ಯ ಏಕೆ? ಎಂದು ಕೇಳಬಹುದು. ಆದರೂ ಕೂಡ ಮಾತನಾಡುವುದು ಒಂದು ಕಲೆ ಅದರಲ್ಲಿ ನಾವು ಜನರ ಜೊತೆ ಹೇಗೆ ಸಂವಹನ ಮಾಡುತ್ತೇವೆ ಎಂಬುದು ಇನ್ನಷ್ಟು ಮುಖ್ಯ. ನಮ್ಮ ಸಂವಹನ ಕೌಶಲ್ಯ ಯಾವಾಗಲೂ ಉತ್ತಮವಾಗಿರಬೇಕು, ಪದ ಬಳಕೆ ಅರ್ಥವಾಗುವಂತೆ ಮಾತನಾಡಬೇಕು ಮತ್ತು ನಮ್ಮ ಉಚ್ಚಾರಣೆ ಸರಿಯಾಗಿರಬೇಕು. ಏಕೆಂದರೆ, ನಾವು ಹೇಳುತ್ತಿರುವ ಅಂತ ವಿಷಯ ಪ್ರತಿಯೊಬ್ಬರಿಗೂ ತಿಳಿಯಬೇಕು. ಇದರಿಂದ ನಮ್ಮ ವ್ಯಕ್ತಿತ್ವ ರೂಪುಗೊಳ್ಳುತ್ತದೆ.

ಆತ್ಮಸ್ಥೈರ್ಯ (confidence)

ಆತ್ಮಸ್ಥೈರ್ಯ ಎಂಬುದು, ಪ್ರತಿಯೊಬ್ಬರಲ್ಲೂ ಇರಬೇಕು. ಏಕೆಂದರೆ ನಮ್ಮ ಬಾಹ್ಯ ಹಾಗೂ ಆಂತರಿಕ ಸೌಂದರ್ಯವನ್ನು ಹೆಚ್ಚು ಮೆರುಗು ಗೊಳಿಸುವುದು ಆತ್ಮಸ್ಥೈರ್ಯ. ನಾವು ಯಾವುದೇ ಕೆಲಸವನ್ನು ಮಾಡಲಿ ಅದರಲ್ಲಿ ಆತ್ಮಸ್ಥೈರ್ಯ ವಿರಬೇಕು. ಆತ್ಮವಿಶ್ವಾಸ ಎಂಬುದು ಬಹಳ ಮುಖ್ಯವಾದ ವಿಷಯವಾಗಿದೆ. ಏಕೆಂದರೆ ನಮ್ಮ ಆತ್ಮಸ್ಥೈರ್ಯದಿಂದ ನಮ್ಮ ಸೌಂದರ್ಯ ಇನ್ನೂ ಹೆಚ್ಚು ಆಕರ್ಷಣೀಯವಾಗಿ ಕಾಣುತ್ತದೆ.
ಇವೆಲ್ಲವೂ ಸೌಂದರ್ಯದ ಟಿಪ್ಸ್ ಆಗಿವೆ. ನಾನು ಮೊದಲೇ ಹೇಳಿದಹಾಗೆ ಸೌಂದರ್ಯ ಎಂಬ ಪದಕ್ಕೆ ಸಾವಿರಾರು ವ್ಯಾಖ್ಯಾನಗಳಿವೆ, ಇದಕ್ಕೆ ಒಮ್ಮತವಿಲ್ಲ. ಅದರಿಂದ ಸೌಂದರ್ಯ ಎಂಬುದು ಅವರವರ ಆಲೋಚನೆಗೆ ತಕ್ಕಂತೆ, ಅವರು ಹೇಗೆ ಯೋಚಿಸುತ್ತಾರೆ ಅವರಿಗೆ ಇನ್ನೊಬ್ಬರಲ್ಲಿ ಸೌಂದರ್ಯವನ್ನು ಹೇಗೆ ಕಾಣುತ್ತಾರೆ ಎಂಬುದು ಅವರ ವೈಯಕ್ತಿಕ ವಿಷಯಕ್ಕೆ ಬಿಟ್ಟದ್ದು.

What is a beauty?
Beauty is a confidence...

ಸಂಗ್ರಹಣೆ
ಛಾಯಾಚಿತ್ರ: ಗೂಗಲ್

ಫ್ಯಾಶನ್ ವೀಕ್ ಎಂಬ ಪದ ಎಲ್ಲರಿಗೂ ತಿಳಿದೇ ಇರುತ್ತದೆ. ಫ್ಯಾಶನ್ ವೀಕ್ ಎನ್ನುವುದು ಫ್ಯಾಶನ್ ಇಂಡಸ್ಟ್ರಿಯ ಬಹುದೊಡ್ಡ ಈವೆಂಟ್ ಆಗಿದ್ದು, ಇದು ಪ್ರತಿವರ್ಷ ಫೆಬ್ರವರಿ ಮತ್ತು ಮಾರ್ಚ್ ತಿಂಗಳಲ್ಲಿ ಸುಮಾರು ಒಂದು ವಾರದವರೆಗೆ ನಡೆಯುತ್ತದೆ. ಇದರಲ್ಲಿ ಫ್ಯಾಶನ್ ಡಿಸೈನರ್ ಗಳು ತಾವು ಡಿಸೈನ್ ಮಾಡಿದಂತಹ ಉಡುಪುಗಳನ್ನು ರನ್ ವೇ ಮೂಲಕ ಖರೀದಿದಾರರು ಮತ್ತು ಮಾಧ್ಯಮಗಳಿಗೆ ಪ್ರದರ್ಶಿಸುತ್ತಾರೆ. ಫ್ಯಾಶನ್ ವೀಕ್ ಎನ್ನುವುದು ಫ್ಯಾಶನ್ ಡಿಸೈನರ್ ಗಳಿಗೆ ಮುಖ್ಯವಾದ ಈವೆಂಟ್. ಏಕೆಂದರೆ, ಇದರ ಮೂಲಕ ತಮ್ಮ ನವನವೀನವಾದ ಡಿಸೈನರ್ ಉಡುಪುಗಳನ್ನು ಜಗತ್ತಿಗೆ ತೋರಿಸಿ ಅವರದೇ ಆದ ಛಾಪನ್ನು ಮೂಡಿಸಬಹುದು. ಅವರದೇ ಆದ ಬ್ರಾಂಡ್ ಅನ್ನು ನಿರ್ಮಿಸಿದ ನಂತರ ಅಭಿಮಾನಿಗಳು ಹೆಚ್ಚಾಗುತ್ತಾರೆ. ಅವರಿಗೆ ಇನ್ನು ಹೆಚ್ಚು ಸೆಲೆಬ್ರೆಟಿಗಳ ಉಡುಪುಗಳನ್ನು ಡಿಸೈನ್ ಮಾಡಲು ಸಿಗುತ್ತದೆ.

ಫ್ಯಾಶನ್ ವೀಕ್ ಬರೀ ಫ್ಯಾಶನ್ ಡಿಸೈನರ್ ಗಳಿಗೆ ಮಾತ್ರ ಮುಖ್ಯವಾದ ಈವೆಂಟ್ ಅಲ್ಲ, ಅವರ ಜೊತೆಯಲ್ಲಿ ಮಾಡೆಲ್ಸ್ ಮತ್ತು ಮೇಕಪ್ ಆರ್ಟಿಸ್ಟ್ ಗಳಿಗೂ ಮುಖ್ಯವಾದ ಈವೆಂಟ್ ಆಗಿದೆ. ಫ್ಯಾಶನ್ ವೀಕ್ ನಲ್ಲಿ ಮೇನ್ ಮಾಡೆಲ್ ಆಗಬೇಕಾದರೆ ಬಹಳ ಕಷ್ಟವಿದೆ. ಸಣ್ಣಪುಟ್ಟ ಫ್ಯಾಶನ್ ವೀಕ್ ನಲ್ಲಿ ಮೇನ್ ಮಾಡೆಲ್ ಆದರೂ ಹೆಸರಾಂತ ಉದಾಹರಣೆಗೆ: ಲಂಡನ್ ಫ್ಯಾಶನ್ ವೀಕ್, ಪ್ಯಾರಿಸ್ ಫ್ಯಾಷನ್ ವೀಕ್ ಮತ್ತು ಲಾಕ್ಮೆ ಫ್ಯಾಷನ್ ವೀಕ್ ಗಳಲ್ಲಿ ಮೇನ್ ಮಾಡೆಲ್ ಆಗುವುದು ಕೊಂಚ ಕಷ್ಟದ ಕೆಲಸ. ಒಂದು ಸಲ ಹೆಸರಾಂತ ಫ್ಯಾಶನ್ ವೀಕ್ ನಲ್ಲಿ ಮೇನ್ ಮಾಡೆಲ್ ಆಗಿ ರನ್ ವೇಲ್ಲಿ ramp walk ಮಾಡಿದರೆ, ಅವರ ಜೀವನವೇ ಬದಲಾಗುತ್ತದೆ ಎಂಬುದು ಕೆಲವರ ಅಭಿಪ್ರಾಯ.

ಫ್ಯಾಷನ್ ವೀಕ್ ನ ಪರಿಕಲ್ಪನೆಯು ಪ್ಯಾರಿಸ್ ನಲ್ಲಿ ಪ್ರಾರಂಭವಾಯಿತು, ಮಾರಾಟಗಾರರು ಸಾರ್ವಜನಿಕ ಸ್ಥಳಗಳಲ್ಲಿ, ರೇಸ್ ಟ್ರಾಕ್ ಗಳಿಂದ ಬ್ಯೂಟಿ ಸಲೂನ್ ಗಳವರೆಗೆ ಕೌಚರ್ ವಸ್ತುಗಳನ್ನು ಧರಿಸಲು ಮಹಿಳೆಯರನ್ನು ನೇಮಿಸಿಕೊಳ್ಳುತ್ತಿದ್ದರು. ಈ ಮೆರವಣಿಗೆಗಳು ಕ್ರಮೇಣವಾಗಿ ತಮ್ಮದೇ ಆದ ಸಾಮಾಜಿಕ ಘಟನೆಗಳಾಗಿ ಮಾರ್ಪಟ್ಟವು. ಫ್ರಾನ್ಸ್ ನಲ್ಲಿ ರನ್ ವೇ ಪ್ರದರ್ಶನವನ್ನು ಇನ್ನು “ಡೆಫಿಲೆಸ್ ಡಿ ಮೋಡ್”(Defiles de mode) ಎಂದು ಕರೆಯಲಾಗುತ್ತದೆ. ಇದರ ಅನುವಾದವೇ “ಫ್ಯಾಶನ್ ಮೆರವಣಿಗೆ”(Fashion Parades).

ಸ್ಟೈಲ್ ಶೋ ಎನ್ನುವುದು ಸ್ಟೈಲ್ ಪ್ಲಾನರ್ ನಿಂದ ಮುಂಬರುವ ಫ್ಯಾಷನ್ ವೀಕ್ ನಲ್ಲಿ ತಮ್ಮ ಮುಂಬರುವ ಉಡುಗೆ ಮತ್ತು ಅಲಂಕಾರಿಕಗಳನ್ನು ಪ್ರದರ್ಶಿಸುವ ಸಂದರ್ಭವಾಗಿದೆ. 1903ರಲ್ಲಿ ಎಹ್ರಿಚ್ ಬ್ರದರ್ಸ್ ಎಂಬ ಅಂಗಡಿಯೂ ಮಧ್ಯಮ ವರ್ಗದ ಮಹಿಳೆಯರನ್ನು ಅಂಗಡಿಗೆ ತಿಳಿಯಲು ಫ್ಯಾಶನ್ ವೀಕ್ ಅನ್ನು ನಡೆಸುತ್ತಿದ್ದರು. 1910ರ ಹೊತ್ತಿಗೆ, ಅನೇಕ ದೊಡ್ಡ ಮಳಿಗೆಗಳು ತಮ್ಮದೇ ಆದ ಪ್ರದರ್ಶನಗಳನ್ನು ನಡೆಸಲಾರಂಭಿಸಿದರು.

ಪ್ರಪಂಚದಾದ್ಯಂತ ಅನೇಕ ಗಮನಾರ್ಹ ವಾದ ಫ್ಯಾಶನ್ ವಿಗಳು ಇದ್ದರು, ಕೇವಲ ನಾಲ್ಕು”ಬಿಗ್ ಫೋರ್”(big four) ಎಂದು ಕರೆಯಲಾಗುತ್ತದೆ. ಅದು ಯಾವುವು ಎಂದರೆ, ಪ್ಯಾರಿಸ್, ಮಿಲನ್, ಲಂಡನ್ ಮತ್ತು ನ್ಯೂಯಾರ್ಕ್. ಪ್ಯಾರಿಸ್ 1945ರಲ್ಲಿ ಕೌಚರ್ ಶೋಗಳನ್ನು ನಡೆಸಲು ಆರಂಭಿಸಿತು, ಮಿಲನ್ ಫ್ಯಾಶನ್ ವೀಕ್ ಅನ್ನು ಇಟಾಲಿಯನ್ ಚೇಂಬರ್ ಆಫ್ ಕಾಮರ್ಸ್ 1958ರಲ್ಲಿ ಪಾಪ ಸಿದ್ದು, ಪ್ಯಾರಿಸ್ ಫ್ಯಾಶನ್ ವೀಕ್ ಅನ್ನು 1973ರಲ್ಲಿ ಫ್ರೆಂಚ್ ಫ್ಯಾಶನ್ ಫೆಡರೇಷನ್ ಅಡಿಯಲ್ಲಿ ಆಯೋಜಿಸಲಾಯಿತು ಲಂಡನ್ ಫ್ಯಾಷನ್ ವೀಕ್ ಅನ್ನೋ ಬ್ರಿಟಿಷ್ ಫ್ಯಾಶನ್ ಕಾನ್ಸರ್ 1984ರಲ್ಲಿ ಸ್ಥಾಪಿಸಿತು. ಈ ಪ್ರಮುಖ ಸಂಸ್ಥೆಗಳು ಇನ್ನೂ ಮುಖ್ಯ ಪ್ರದರ್ಶನಗಳನ್ನು ಆಯೋಜಿಸುತ್ತಿದೆ.

ಇನ್ನು ಮುಂದೆ ಭಾರತಕ್ಕೆ ಬಂದರೆ, ಫ್ಯಾಶನ್ ಇಂಡಸ್ಟ್ರಿ ಇರುವುದೇ ಬಾಂಬೆ ಅಥವಾ ಮುಂಬೈನಲ್ಲಿ. ಭಾರತದಲ್ಲಿ ಫ್ಯಾಶನ್ ಎಂದ ತಕ್ಷಣ ನೆನಪಾಗುವುದು ಮುಂಬೈ. ಏಕೆಂದರೆ, ಇಲ್ಲಿ ಫ್ಯಾಶನ್ ಇಂಡಸ್ಟ್ರಿ ಮತ್ತು ಬಾಲಿವುಡ್ ಇರುವುದು. ಯಾರಾದರೂ ನಾನು ಫ್ಯಾಶನ್ ಇಂಡಸ್ಟ್ರಿಯಲ್ಲಿ ಜೀವನವನ್ನು ರೂಪಿಸಿಕೊಳ್ಳಬೇಕು ಎಂದರೆ ಮೊದಲು ಹೋಗುವುದೇ ಮುಂಬೈಗೆ. ಮುಂಬೈನಲ್ಲಿ ಮಾತ್ರ ಫ್ಯಾಶನ್ ಇಂಡಸ್ಟ್ರಿ ಮತ್ತು ಫ್ಯಾಶನ್ ವೀಕ್ ನಡೆಯುವುದು ಎಂದಲ್ಲ, ಭಾರತದ ಪ್ರಮುಖ ನಗರಗಳಾದ ಬೆಂಗಳೂರು, ಚೆನ್ನೈ, ಹೈದರಾಬಾದ್, ಕಲ್ಕತ್ತಾ ಮತ್ತು ದೆಹಲಿಯಲು ನಡೆಯುತ್ತದೆ. ಆದರೆ, ಕೊಂಚ ಕಡಿಮೆ. ಏಕೆಂದರೆ, ಪ್ರಸಿದ್ಧ ವ್ಯಕ್ತಿಗಳು ಮುಂಬೈನಲ್ಲಿ ಇರುತ್ತಾರೆ ಹಾಗೂ ಯಾವುದೇ ಬ್ರಾಂಡ್ ಭಾರತಕ್ಕೆ ಬಂದರು ಮೊದಲು ಹೋಗುವುದೇ ಮುಂಬೈಗೆ.

ಭಾರತದ ಟಾಪ್ 10 ಫ್ಯಾಷನ್ ವೀಕ್ ಅಥವಾ ಶೋಗಳು.

1. ಲ್ಯಾಕ್ಮಿ ಫ್ಯಾಷನ್ ವೀಕ್ (Lakme fashion week)
2. ವಿಲ್ಸ್ ಲೈಫ್ ಸ್ಟೈಲ್ಲೆ ಇಂಡಿಯ ಫಾಶನ್ ವೀಕ್ (Willis lifestyle India fashion week)
3. ಇಂಡಿಯಾ ಬ್ರೈಡಲ್ ಫ್ಯಾಷನ್ ವೀಕ್ (India bridal fashion week)
4. ರಾಜಸ್ಥಾನ್ ಫಾಶನ್ ವೀಕ್ (Rajasthan fashion week)
5. ವ್ಯಾನ್ ಹ್ಯೂಸೆನ್ ಇಂಡಿಯಾ ಪುರುಷರ ವಾರ (Ven Heusen India men’s week)
6. ಸಿನರ್ಜಿ 1 ದೆಹಲಿ ಕೌಚರ್ ವೀಕ್ (synergy 1 Delhi couture week)
7. ಉತ್ತರ ಭಾರತದ ಫ್ಯಾಷನ್ ವೀಕ್ (North India fashion week)
8. ಇಂದೋರ್ ಫ್ಯಾಷನ್ ವೀಕ್ (Indore fashion week) 9. ಹೈದ್ರಾಬಾದ್ ಫ್ಯಾಷನ್ ವೀಕ್ (Hyderabad fashion week)
10. ಚೆನ್ನೈ ಫ್ಯಾಶನ್ ವೀಕ್ (Chennai fashion week)

ಭಾರತದ ಟಾಪ್ 5 ಫ್ಯಾಶನ್ ಡಿಸೈನರ್ ಗಳು

a. ಮನೀಶ್ ಮಲ್ಹೋತ್ರ (Manish Malhotra)
b. ರೋಹಿತ್ ಬಾಲ್ (Rohit Bal)
c. ತರುಣ್ ತಹಿಲಿಯಾನಿ (Tarun Tahiliani)
d. ರಿತು ಕುಮಾರ್ (Ritu Kumar)
e. ಸಬ್ಯಸಾಚಿ ಮುಖರ್ಜಿ (Sabyasachi Mukherjee)

ಭಾರತದ ಟಾಪ್ 5 ಮಹಿಳಾ ಮಾಡಲ್ಸ್ ಗಳು

a. ನಿಧಿ ಸುನಿಲ್ (Nidhi Sunil)
b. ಸೋನಿ ಕೌರ್ (Sony kaur)
c. ಊರ್ವಶಿ ರೌಟೇಲಾ (Urvashi Ruatela)
d. ಅರ್ಚನಾ ಅಕಿಲ್ ಕುಮಾರ್ (Archana Akil Kumar)
e. ಎರಿಕಾ ಪ್ಯಾರ್ಕ (Erika packara)

ಭಾರತದ ಟಾಪ್ 5 ಪುರುಷ ಮಾಡಲ್ಸ್ ಗಳು

a. ಮಿಲಿಂದ್ ಸೋಮನ್ (Milind Soman)
b. ರೋಹಿತ್ ಖಂಡೇಲ್ವಾಲ್ (Rohit Khandelwal)
c. ಮೀರ್ ಅಲಿ (Meer Ali)
d. ಅಂಗದ ಬೇದೆ (Angad Bedi)
e. ಸಾಹಿಲ್ ಶ್ರಾಫ್ (Sahil Shroff)

ಭಾರತದಲ್ಲಿ ಫ್ಯಾಷನ್ ವೀಕ್ ಇವೆಂಟ್ 33 ಫ್ಯಾಶನ್ ಡಿಸೈನರ್ ಗಳನ್ನು ಒಳಗೊಂಡಂತೆ 2000 ದಶಕದಲ್ಲಿ ನಡೆಯಿತು. ಭಾರತದ ಫ್ಯಾಶನ್ ವೀಕ್ ನಲ್ಲಿ ಲ್ಯಾಕ್ಮೆ ಫ್ಯಾಷನ್ ವೀಕ್ ಪ್ರಥಮ ಸ್ಥಾನ ಪಡೆದುಕೊಂಡಿದೆ. ಭಾರತದ ಫ್ಯಾಶನ್ ವೀಕ್ ನಲ್ಲಿ ಹೊಸ ಫ್ಯಾಶನ್ ಡಿಸೈನರ್ ಗಳಿಗೆ, ಮಾಡೆಲ್ ಮತ್ತು ಮೇಕಪ್ ಆರ್ಟಿಸ್ಟ್ ಗಳ ಜೀವನದಲ್ಲಿ ಪ್ರಮುಖ ಸ್ಥಾನವನ್ನು ಪಡೆದುಕೊಂಡಿದೆ.

ಭಾರತದ ಫ್ಯಾಶನ್ ವೀಕ್ ನಲ್ಲಿ ಹೆಚ್ಚಾಗಿ ಮೇನ್ ಮಾಡೆಲ್ ನ ಬಾಲಿವುಡ್ ನ ನಟ-ನಟಿಯರನ್ನು ಆಯ್ಕೆಮಾಡಿಕೊಳ್ಳಲಾಗುತ್ತದೆ. ಏಕೆಂದರೆ, ಇವರು ಹೆಚ್ಚು ಜನಪ್ರಿಯತೆಯನ್ನು ಪಡೆದುಕೊಂಡಿರುತ್ತಾರೆ.
ಫ್ಯಾಶನ್ ಡಿಸೈನರ್ ಗಳ ಜೊತೆಯಲ್ಲಿ ಮಾಡೆಲ್ ಗಳ ಜೀವನದಲ್ಲಿ ಫ್ಯಾಶನ್ ವೀಕ್ ಪ್ರಮುಖ ಸ್ಥಾನವನ್ನು ಪಡೆದುಕೊಂಡಿದೆ.

ಸಂಗ್ರಹಣೆ
1) The Newdmen
2) JD institute of fashion technology
3 )Wikipedia
ಛಾಯಾಚಿತ್ರ
1) ಗೂಗಲ್

ಪ್ರತಿಯೊಬ್ಬರೂ ಕೂಡ ಒಂದಲ್ಲ ಒಂದು ಬಾರಿಯಾದರೂ ತಮ್ಮ ಜೀವನದಲ್ಲಿ, ಜೀವನವನ್ನು ನಿಭಾಯಿಸಲು ಫ್ಯಾಶನ್ ಬೇಕಾ ಎಂಬ ಪ್ರಶ್ನೆಯನ್ನು ಕೇಳಿಕೊಂಡಿರುತ್ತಾರೆ. ಏಕೆಂದರೆ, ಹಿಂದಿನ ಕಾಲದಲ್ಲಿ ಜನರು ಫ್ಯಾಶನ್ ಎಂಬ ಪದವನ್ನು ಕೇಳಿಯೇ ಇರಲಿಲ್ಲ. ಆದರೂ ಕೂಡ ಜೀವನ ಮಾಡುತ್ತಿರಲಿಲ್ವ!. ಆದರೆ, ಇಂದಿನ ಯುಗದ ಜನರ ಮೇಲೆ ಫ್ಯಾಷನ್ ಎಂಬ ಪದ ಏಕೆ ಅಷ್ಟರ ಮಟ್ಟಿಗೆ ಪ್ರಭಾವ ಬೀರುತ್ತಿದೆ.

ನಮಗೆ ಫ್ಯಾಶನ್ ಬೇಕಾ ಎಂಬ ಪ್ರಶ್ನೆಯನ್ನು ಕೇಳಿಕೊಂಡರೆ, ಒಬ್ಬೊಬ್ಬರ ಅಭಿಪ್ರಾಯ ಒಂದೊಂದು ರೀತಿಯಲ್ಲಿ ಇರುತ್ತದೆ. ಏಕೆಂದರೆ, ಪ್ರತಿಯೊಬ್ಬರೂ ಒಂದೇ ರೀತಿಯಲ್ಲಿ ಯೋಚಿಸುವುದಿಲ್ಲ. ಕೆಲವರು ಬೇಕು ಎಂದರೆ, ಇನ್ನು ಕೆಲವರು ನಮಗೆ ಫ್ಯಾಶನ್ ಬೇಡ ಎನ್ನುತ್ತಾರೆ ಮತ್ತು ಇನ್ನಷ್ಟು ಜನರು ಕೆಲವೊಂದು ಬಾರಿ(ಸಾಂದರ್ಭಿಕವಾಗಿ) ಪ್ಯಾಶನ್ ಮಾಡುವುದು ತಪ್ಪೇನೂ ಅಲ್ಲ ಆದರೆ ಅದು ಮಿತಿ ಮೀರಬಾರದು ಎನ್ನುತ್ತಾರೆ.

ಕೆಲ ಜನರ ಪ್ರಕಾರ ಬರೀ ಹೆಣ್ಣು ಮಕ್ಕಳು ಮಾತ್ರ ಫ್ಯಾಶನ್ ಮಾಡುತ್ತಿದ್ದಾರೆ ಹೊರತು ಇನ್ಯಾರೂ ಕೂಡ ಮಾಡುವುದಿಲ್ಲ. ಅವರ ಅಭಿಪ್ರಾಯ ತಪ್ಪೆಂದು ವಾದಿಸುತ್ತೇವೆ. ಫ್ಯಾಶನ್ ಎಂಬ ಪದ ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ?, ಪ್ರತಿಯೊಬ್ಬರಿಗೂ ಇಷ್ಟ. ಆದರೆ, ಕೆಲವರು ಹೇಳಿಕೊಳ್ಳುತ್ತಾರೆ ಅಥವಾ ತೋರಿಸಿಕೊಳ್ಳುತ್ತಾರೆ, ಇನ್ನು ಕೆಲವರು ಹೇಳಿಕೊಳ್ಳುವುದಿಲ್ಲ. ಅದು ಸಾಂದರ್ಭಿಕವಾಗಿಯು ಇರಬಹುದು ಅದು ಅವರವರ ವೈಯಕ್ತಿಕ ವಿಚಾರಕ್ಕೆ ಸಂಬಂಧಪಟ್ಟಿದ್ದು.

ಇನ್ನು ಜೀವನಕ್ಕೆ ಫ್ಯಾಶನ್ ಬೇಕಾ ಎಂಬ ಪ್ರಶ್ನೆಯ ಕಡೆ ಬಂದರೆ, ಮೊದಲೇ ತಿಳಿಸಿದ ಹಾಗೆ ಕೆಲವರ ಪ್ರಕಾರ ಹಿಂದಿನ ಕಾಲದವರು ಫ್ಯಾಶನ್ ಎಂಬ ಪದವು ಕೂಡ ಕೇಳಿರಲಿಲ್ಲ ಆದರೂ ಅವರು ಜೀವನ ನಡೆಸುತ್ತಿರಲಿಲ್ಲವೇ‌. ಇವಾಗ ಮಾತ್ರ ಏಕೆ ಫಾಶನ್ ಇಷ್ಟು ಮುಖ್ಯವಾಗಿದೆ.

ಯಾರಾದರೂ ಕೂಡ ಜೀವನಕ್ಕೆ ಫ್ಯಾಶನ್ ಬೇಕು ಅಥವಾ ಬೇಡ ಎಂದು ಹೇಳಲಾಗುವುದಿಲ್ಲ. ಆದರೆ; ಫ್ಯಾಶನ್ ಬೇಕು ಎಂದರೆ ಏಕೆ?, ಬೇಡವೆಂದರೆ ಏಕೆ? ಎಂಬುದರ ಬಗ್ಗೆ ಚರ್ಚೆ ಮಾಡಬಹುದು ಅಷ್ಟೇ.

ಕಾಲ ಬದಲಾದಂತೆ, ಜನರು ಕೂಡ ಬದಲಾಗುವುದು ಸಹಜ. ಇದಕ್ಕೆ ಒಂದು ಗಾದೆಯು ಸಹ ಇದೆ. ಅದೇನೆಂದರೆ, ಕಾಲಕ್ಕೆ ತಕ್ಕಂತೆ ಬದಲಾಗು. ಮನುಷ್ಯ ಸಂಘಜೀವಿ, ಯಾವತ್ತಿಗೂ ಕೂಡ ಒಂಟಿಯಾಗಿ ಬಾಳಲು ಇಷ್ಟಪಡುವುದಿಲ್ಲ‌. ಮಾನವ ಇನ್ನೊಬ್ಬರನ್ನು ಅನುಸರಿಸುವುದು ಹೆಚ್ಚು. ತನಗಿಂತ ಇನ್ನೊಬ್ಬರನ್ನು ಅನುಸರಿಸುವ ಆಸೆ ಅವನಿಗೆ. ಮೊದಲೆಲ್ಲಾ ಫ್ಯಾಷನ್ ಇಲ್ಲವೆಂದು ಹೇಳುತ್ತಾರಲ್ಲ, ಅವರಲ್ಲಿ ನನ್ನದೊಂದು ಪ್ರಶ್ನೆ. ಯಾರು ಫ್ಯಾಶನ್ ಮಾಡಿಲ್ಲ?, ಒಂದೊಂದು ಕಾಲದಲ್ಲಿ ಒಂದೊಂದು ರೀತಿಯ ಫ್ಯಾಷನ್ ಇತ್ತು. ಖಂಡಿತ ನಿಜ ಇಂದಿನ ಕಾಲದಲ್ಲಿ ಫ್ಯಾಶನ್ ಎಂಬ ಪದ ಕೆಲವರು ಕೇಳಿಯೇ ಇಲ್ಲದಿರಬಹುದು, ಆದರೂ ಕೂಡ ಅವರವರ ಸಂಸ್ಕೃತಿಗೆ ತಕ್ಕಂತೆ ಫ್ಯಾಶನ್ ಮಾಡುತ್ತಿದ್ದರು. ಇಂದಿನ ಯುಗದಲ್ಲಿ ವೆಸ್ಟ್ರನ್ ಉಡುಗೆ ತೊಡುಗೆಯ ಕಡೆ ಭಾರತದ ಜನರು ಹೋಗುತ್ತಿದ್ದಾರೆ. ಆದರೂ ಕೂಡ ತಮ್ಮ ಸಂಸ್ಕೃತಿಯನ್ನು ಮರೆತಿಲ್ಲ. ಹೇಗೆ ವೇಸ್ಟ್ ಕಲ್ಚರ್ ನಲ್ಲಿ ಫ್ಯಾಷನ್ ಮಾಡಲು ತಿಳಿದಿದ್ದಾರೆ, ಅದೇ ರೀತಿಯಲ್ಲಿ ಅವರವರ ಸಂಸ್ಕೃತಿಯಲ್ಲೂ ಫ್ಯಾಶನ್ ಮಾಡಲು ಬರುತ್ತದೆ.

ಹಿಂದಿನ ಕಾಲದ ಜನರು ತಮ್ಮ ಸಂಸ್ಕೃತಿಯನ್ನು ಅನುಸರಿಸಲು ಇಚ್ಚಿಸುತ್ತಿದ್ದರು. ಇದಕ್ಕೆ ಕಾರಣವೆಂದರೆ ಪ್ರಪಂಚದಲ್ಲಿ ಯಾವುದೇ ದೇಶ,ರಾಜ್ಯ ಮತ್ತು ಹಳ್ಳಿಯಲ್ಲಾದರೆ ಅವರವರ ಸಂಸ್ಕೃತಿಯನ್ನು ಅನುಸರಿಸುತ್ತಿದ್ದರು. ಏಕೆಂದರೆ, ಸಂಪರ್ಕದ ಕೊರತೆ. ಬೇರೆಯವರ ಸಂಸ್ಕೃತಿಯನ್ನು ನೋಡಬೇಕಿದ್ದರೆ ಅವರ ಸ್ಥಳಕ್ಕೆ ಹೋಗಬೇಕಿತ್ತು. ಅದು ಸಾಧ್ಯವಾದಾಗ ಯಾರು ಬೇರೆಯವರ ಸಂಸ್ಕೃತಿಯನ್ನು ನೋಡಿದರೂ ಅವರ ಮೂಲಕ ತಿಳಿದುಕೊಳ್ಳಬೇಕಿತ್ತು ಹೊರತು ಬೇರೆ ಯಾವುದೇ ಮಾರ್ಗವಿರಲಿಲ್ಲ.

20ನೇ ಶತಮಾನದ ಪೀಳಿಗೆಯವರಿಗೆ ಈ ತೊಂದರೆ ಇಲ್ಲ. ಇವರ ಬೆರಳಿನ ತುದಿಯಲ್ಲಿ ಇಡೀ ಪ್ರಪಂಚ ನಿಂತಿದೆ, ಇದಕ್ಕೆ ಮೂಲಕಾರಣ ಅಂತರ್ಜಾಲ. ಅಂತರ್ಜಾಲವು ಪ್ರಪಂಚವನ್ನೇ ಒಂದು ಸಣ್ಣ ಹಳ್ಳಿಯನ್ನಾಗಿ ಮಾಡಿದೆ. ತಾವು ಯಾವುದಾದರೂ ವಿಷಯದ ಬಗ್ಗೆ ತಿಳಿದುಕೊಳ್ಳಬೇಕು ಎಂದು ಬಯಸಿದರೆ ನಿಮಿಷದಲ್ಲಿ ಅವರಿಗೆ ಆ ವಿಷಯ ತಲುಪುತ್ತದೆ ಹಾಗೂ ತಿಳಿದುಕೊಳ್ಳುತ್ತಾರೆ. ಅಂತದರಲ್ಲಿ ಬೇರೆಯವರ ಸಂಸ್ಕೃತಿಯನ್ನು ತಿಳಿದುಕೊಳ್ಳಲು ಕಷ್ಟವಾಗುವುದಿಲ್ಲ ಹಾಗೂ ಇಚ್ಚಿಸಿದರೆ ಅನುಸರಿಸಬಹುದು.

ಯುವಜನತೆ ತಮ್ಮ ಜೀವನದಲ್ಲಿ ಫ್ಯಾಷನ್ ಅನ್ನು ಹೆಚ್ಚಾಗಿ ಅಳವಡಿಸಿಕೊಳ್ಳುತ್ತಿದ್ದಾರೆ ಎಂದು ಹೇಳಿದರೆ ತಪ್ಪಾಗದು. ತಾವು ಸಮಾಜದ ಮುಂದೆ ಎಲ್ಲರಿಗಿಂತ ವಿಭಿನ್ನವಾಗಿ ಮತ್ತು ಆಕರ್ಷಿತವಾಗಿ ಕಾಣಬೇಕು ಹಾಗೂ ಎಲ್ಲರ ಮಧ್ಯೆ ಅಥವಾ ಸಮಾಜದಲ್ಲಿ ಪ್ರಸಿದ್ಧರಾಗಬೇಕು ಎಂಬ ಆಸೆ ಎಲ್ಲರಲ್ಲಿ. ಅದು ತಮ್ಮ ಉಡುಗೆ-ತೊಡುಗೆ, ಹಾವ-ಭಾವ ಮತ್ತು ಮುಂತಾದುವುದರಿಂದ ಇರಬಹುದು.

Fashion is necessary for our life…

ತಮ್ಮದೇಯಾದ ಬ್ರಾಂಡ್ ಅನ್ನು ನಿರ್ಮಿಸಲು ಫ್ಯಾಶನ್ ಬಹಳ ಮುಖ್ಯ. ಅದು ಉಡುಗೆ, ಬಿಹೇವಿಯರ್, ವಾಕಿಂಗ್ ಸ್ಟೈಲ್ ಮತ್ತು ಟಾಕಿಂಗ್ ಸ್ಟೈಲ್ ಮುಂತಾದವು ಆಗಿರಬಹುದು.
ಜೀವನಕ್ಕೆ ಪ್ಯಾಶನ್ ಅನ್ನು ಅಳವಡಿಸಿಕೊಳ್ಳುವುದು ಅವರವರ ವೈಯಕ್ತಿಕ ವಿಷಯಕ್ಕೆ ಸಂಬಂಧಿಸಿದೆ, ಅದನ್ನು ಯಾರೂ ಕೂಡ ಪ್ರಶ್ನಿಸಬಾರದು.

ತನ್ನ ಜೀವನದ ಒಡೆಯ ತಾವೇ
ಇದನ್ನು ಪ್ರಶ್ನಿಸಲು ಯಾರಿಂದಲೂ ಸಾಧ್ಯವಿಲ್ಲ…!

ಸಂಗ್ರಹಣೆ
ಛಾಯಾಚಿತ್ರ(ಫೋಟೋಸ್)
1) ಗೂಗಲ್

ಓಲ್ಡ್ ಇಸ್ ಗೋಲ್ಡ್ ಎಂಬ ಮಾತು ಏಕೆ ಬಂತು ಎಂದರೆ, ಯಾವತ್ತಿಗೂ ಕೂಡ ಹಳೆಯದು ನವನವೀನ. ಅದು, ಬಟ್ಟೆಯಲ್ಲಿ ಆಗಿರಬಹುದು ಮತ್ತು ಜೀವನಶೈಲಿಯಲ್ಲಿ ಆಗಿರಬಹುದು. ಮನುಷ್ಯ ಎಂಥಾ ಜೀವಿಯೆಂದರೆ, ಕಡಿಮೆ ಬುದ್ಧಿಶಕ್ತಿ ಹೊಂದಿರುವಂತಹ ಜೀವಿ. ಹೊಸತನ ಅಥವಾ ಯಾವುದಾದರೂ ಹೊಸದು ಬಂದರೆ ಹಳೆಯದನ್ನು ಬಹಳ ಜಲ್ದಿ ಮರೆಯುತ್ತಾನೆ. ಹೊಸದು ಬಂತು ಎಂದ ತಕ್ಷಣ ಅದನ್ನು ಅಳವಡಿಸಿಕೊಳ್ಳುವ ಆತುರ. ಆದರೆ ಹಳೆಯದು ಎಂದಿಗೂ ಮಾಸುವುದಿಲ್ಲ, ಇದು ಒಂದು ರೀತಿಯ ಮುಚ್ಚಿದ ಕೆಂಡ ದಲ್ಲಿ ಇರುವ ಬೆಂಕಿಯಾಗಿ, ಯಾವಾಗ ಬೇಕಾದರೂ ಹೊರಬರಬಹುದು. ಹಾಗೆಯೇ ಎಷ್ಟೇ ಹೊಸದು ಬಂದರು ಹಳೆಯದನ್ನು ಮರೆಯಲು ಸಾಧ್ಯವಿಲ್ಲ.
ಇಂದು ಇಲ್ಲಿ ನಾನು ಮಾತನಾಡುತ್ತಿರುವ ವಿಷಯವೆಂದರೆ, ಉಡುಪು (ಬಟ್ಟೆ). 5ರಿಂದ6 ವರ್ಷಗಳ ಹಿಂದೆ ನೋಡಿದರೆ ನಮ್ಮ ಜನರು. ಅಂದರೆ, ಮುಖ್ಯವಾಗಿ ಭಾರತದವರು ಹೆಚ್ಚು ವೆಸ್ಟ್ರನ್ ಸಂಸ್ಕೃತಿಯನ್ನು ಅಳವಡಿಸಿಕೊಳ್ಳಲು ಆರಂಭಿಸಿದರು. ಇಂದಿಗೆ ವೆಸ್ಟ್ರನ್ ಸಂಸ್ಕೃತಿ ಸಂಪೂರ್ಣವಾಗಿ ಭಾರತದಿಂದ ಹೋಗಿದೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ, ಹಳೆಯ ಸಂಸ್ಕೃತಿಯ ಉಡುಪುಗಳನ್ನು ಸಾಂಪ್ರದಾಯಿಕ (ಮದುವೆ, ಹಬ್ಬ ಹರಿದಿನ ಮತ್ತು ಮುಂತಾ) ದಿನಗಳಲ್ಲಿ ಹೆಚ್ಚಾಗಿ ತೊಡಲು ಆರಂಭಿಸುತ್ತಿದ್ದಾರೆ. ನಾವು ಎಷ್ಟೇ ಕೂಡ ಬೇರೆಯವರ ಸಂಸ್ಕೃತಿಯನ್ನು ಅನುಸರಿಸಿದ್ದರು ಸಹ ನಮ್ಮ ಸಂಸ್ಕೃತಿಯನ್ನು ಮರೆಯಲು ಸಾಧ್ಯವಿಲ್ಲ. ಉಡುಪಿನ ವಿಷಯಕ್ಕೆ ಬಂದರೆ ಹಳೆಯದು ನವನವೀನ ಎಂದು ಹೇಳಬಹುದು. ಇದರಲ್ಲಿ ಹೆಣ್ಣುಮಕ್ಕಳ ಉಡುಪುಗಳಲ್ಲಿ ಹೆಚ್ಚಾಗಿ ಇಂದಿನ ಕಾಲದ ಡಿಸೈನ್ಗಳು ನೋಡಬಹುದು.

ಪ್ರಮುಖವಾದುದನ್ನು ತಿಳಿಸಲು ಇಚ್ಚಿಸುತ್ತೇನೆ.

ಮೊದಲನೆಯದಾಗಿ, ಹೆಣ್ಣುಮಕ್ಕಳು ತೊಡುವಂತಹ ಸೀರೆಗಳ ರವಿಕೆ (ಬ್ಲೌಸ್).

ಬಾರ್ಡರ್ ಗಳ ಮೇಲೆ ಬಫ್ ತೋಳು.‌‌..

ಇದು ಹಿಂದಿನ ಕಾಲದವರು ಹೆಚ್ಚಾಗಿ ಬಳಸುತ್ತಿದ್ದರು. ಬ್ಲೌಸ್ ಗಳನ್ನು ಹೊಲಸುವಾಗ, ಬಾರ್ಡರ್ ಬರುತ್ತದಲ್ಲ ಅದನ್ನು ಬಳಸಿಕೊಂಡು ತೋಳಿಗೆ ಡಿಸೈನ್ ಅನ್ನು ಮಾಡುತ್ತಾರೆ. ಇದು ಇವಾಗ ಹೆಚ್ಚು ಟ್ರೆಂಡ್ ಆಗಿದೆ. ಬ್ಲೌಸ್ ಅನ್ನು ಆದರೆ ಮುಖ್ಯವಾಗಿ ತೋಳಿಗೆ, ಕೆಳಭಾಗದಲ್ಲಿ ಬಾರ್ಡರ್ ಬಂದು ಮೇಲಿನ ಭಾಗದಲ್ಲಿ ಬಫ್ ಬರುತ್ತದೆ. ಇದನ್ನು ನೋಡಲು ಬಹಳ ಆಕರ್ಷಕವಾಗಿದೆ.

ಬ್ಲೌಸ್ ಗಳಲ್ಲಿ ಫ್ರಿಲ್

ಫ್ರಿಲ್ ಎಂಬ ಪದವು ಹೊಸದೇನೂ ಅಲ್ಲ, ಇದು ಕೂಡ ಹಳೆಯದು. ಫ್ರಿಲ್ ಎಂಬುವುದು ಬ್ಲೌಸ್ ಮತ್ತು ಕುರ್ತಿಗಳಲ್ಲಿ ಕಂಡುಬರುತ್ತದೆ. ಫ್ರಿಲ್ ಬಂದು ದೊಡ್ಡ ಫ್ರಿಲ್ ಮತ್ತು ಚಿಕ್ಕ ಫ್ರಿಲ್ ಎಂದು ಇರುತ್ತದೆ. ಚಿಕ್ಕ ಫ್ರಿಲ್ ಒಂದೂವರೆಯಿಂದ(1.1/2) ಎರಡುವರೆ(2.1/2) ಇಂಚಿನ ತನಕ ಇರುತ್ತದೆ ಹಾಗೂ ದೊಡ್ಡ ಫ್ರಿಲ್ ಐದರಿಂದ(5) ಏಳು(7) ಇಂಚಿನ ತನಕ ಇರುತ್ತದೆ.

ಬೋಟ್ ನೆಕ್

ಬೋಟ್ ನೆಕ್ ಎಂದ ತಕ್ಷಣ ಆಶ್ಚರ್ಯ ಪಡುವ ಅವಶ್ಯಕತೆ ಇಲ್ಲ. ಬೋಟನಿ ರೀತಿಯ ಶಿಪ್ ನಲ್ಲಿ ವಿನ್ಯಾಸಗೊಳಿಸಿರುತ್ತಾರೆ. ಈ ಬೋಟ್ ನೆಕ್ ಬಂದು ಬ್ಲೌಸ್ ಮತ್ತು ಕುರ್ತಿಗಳಲ್ಲಿ ಕಾಣಬಹುದು. ಇದು ಹೆಚ್ಚು ಪ್ರಸಿದ್ಧತೆಯನ್ನು ಪಡೆದುಕೊಂಡಿದೆ.

ಕಾಲರ್ ನೆಕ್

ಇದು ಕೂಡ ಒಂದು ರೀತಿಯ ಉಡುಪಿನ ವಿನ್ಯಾಸವಾಗಿದೆ. ಕಾಲರ್ ನೆಕ್ ಬಂದು ಬ್ಲೌಸ್ ಮತ್ತು ಕುರ್ತಿಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಇದು ಹಿಂದಿನ ಕಾಲದಲ್ಲಿ ಹೆಚ್ಚು ಪ್ರಸಿದ್ಧತೆಯಲ್ಲಿ ಇತ್ತು. ಕಾಲರ್ ನೆಕ್ ನಲ್ಲಿ ಬಹಳಷ್ಟು ವಿಧಗಳಿವೆ.
ಅದರಲ್ಲಿ ಪ್ರಮುಖವಾದದ್ದು ಮೂರು. ಅದು ಯಾವುದು ಎಂದರೆ,
1) ಟೈ ಕಾಲರ್ ನೆಕ್
2) ಟೈ ಹೈ ಕಾಲರ್ ನೆಟ್
3) ಚೈನೀಸ್ ಕಾಲರ್ ನೆಕ್
ಮುಂತಾದವು
ಇದು ಮೂರು ಪ್ರಮುಖವಾದ ಕಾಲರ್ ನೆಕ್ ವಾಗಿದೆ. ಈ ಮೂರು ವಿನ್ಯಾಸವು ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಪ್ರಸಿದ್ಧಿಯನ್ನು ಪಡೆದುಕೊಂಡಿದೆ.

ಹೈ ನೆಕ್

ಹೈ ನೆಕ್ ಕೂಡ ಹಿಂದಿನ ಕಾಲದ ಡಿಸೈನ್ ಆಗಿದೆ. ಈ ಡಿಸೈನ್ ಇಂದಿನ ಕಾಲದ ಸಿನಿಮಾಗಳಲ್ಲೂ ಕೂಡ ಹೆಚ್ಚು ಪ್ರಚಲಿತದಲ್ಲಿತ್ತು. ಇದು ಇವಾಗ ಟ್ರೆಂಡ್ ಆಗಿದೆ. ಅನುಷ್ಕಾ ಶರ್ಮಾ ಕೂಡ ತನ್ನ ಮದುವೆಯ ರಿಸೆಪ್ಶನ್ ನಲ್ಲಿ ಬನಾರಸಿ ಸ್ಯಾರಿಯ ಜೊತೆ ಹೈ ನೆಕ್ ಬ್ಲೌಸ್ ಅನ್ನು ಧರಿಸಿದ್ದರು.

ಬಟ್ಟೆಯ ಡಾಬ್

ಡಾಬ್ ಎಂಬ ಪದವು ಎಲ್ಲರೂ ಕೂಡ ಕೇಳಿಯೇ ಇರುತ್ತಾರೆ. ಆದರೆ, ಇದೇನು ಬಟ್ಟೆಯ ಡಾಬು ಎಂದರೆ? ಡಾಬ್ ಸಹಜವಾಗಿ ಹೆಣ್ಣುಮಕ್ಕಳು ಸೀರೆಯ ಮೇಲೆ, ಲೆಹೆಂಗಾ ಮತ್ತು ಲಂಗ ದಾವಣಿಯ ಮೇಲೆ ಧರಿಸುತ್ತಾರೆ. ಇತ್ತೀಚಿಗಿನ ದಿನಗಳಲ್ಲಿ ಚಿನ್ನದ ಡಾಬ್ ಹೋಗಿ ಬಟ್ಟೆಯ ಡಾಬ್ ಪ್ರಸಿದ್ಧತೆಯನ್ನು ಪಡೆದುಕೊಳ್ಳುತ್ತಿದೆ. ಬಟ್ಟೆಯಿಂದ ಡಾಬ್ ಅನ್ನು ತಯಾರಿಸುವಾಗ ಮಣಿಗಳು, ಚಮ್ಕಿ ವರ್ಕ್, ಲೇಸ್ ವರ್ಕ್, ಲಕ್ಷ್ಮಿ ಆನೆ ಮುಂತಾದಂತಹ ಆರ್ಟಿಫಿಶಿಯಲ್ ಡಿಸೈನ್ ಗಳನ್ನು ಹಾಕಿ ತಯಾರಿಸುತ್ತಾರೆ.

ಸಾರಿ ಕುಚ್

ಸಾರಿ ಕುಚ್ ಗಳು ಮೊದಲಿನಿಂದಲೂ ತುಂಬಾ ಪ್ರಸಿದ್ಧತೆಯನ್ನು ಪಡೆದುಕೊಂಡಿದೆ. ಇದರ ಮಾರ್ಕೆಟ್ ಸ್ಟಾಡಂ ಕಡಿಮೆಯಾಗಿಲ್ಲ. ಇದು ಮದುವೆಯ ಸೀಸನ್ ಬಂದರೆ ಇನ್ನೂ ಹೆಚ್ಚು ಡಿಮಾಂಡ್ ಗೆ ಒಳಪಡುತ್ತದೆ. ಸಾರಿ ಕುಚ್ ಎಂದರೆ, ತಿಳಿದೇ ಇರುತ್ತದೆ. ಸೀರೆಯ ಪಲ್ಲುವಿನ ತುದಿಯಲ್ಲಿ ಮೂಡಿಸುವಂತಹ ವೈವಿಧ್ಯಮಯವಾದ ವಿನ್ಯಾಸವಾಗಿದೆ.
ಇದರಲ್ಲಿ ಪ್ರಮುಖವಾದದ್ದು;
1) ಕ್ರೋಶ ಕುಚ್
2) ಎಂಬ್ರಾಯಿಡರಿ ಕುಚ್
3) ಬೇಬಿ ಕುಚ್
ಮತ್ತು
4) ಸ್ಟೋನ್ ಕುಚ್
ಮುಂತಾದವು.
ಇದರಲ್ಲಿ ಕ್ರೋಶ ಕುಚ್ ಹೆಚ್ಚು ಬೇಡಿಕೆಯಲ್ಲಿ ಇದೆ ಹಾಗೂ ಇದರ ಸಂಭಾವನೆಯೂ ಕೂಡ ಹೆಚ್ಚಾಗಿದೆ. ಇದರ ಜೊತೆಗೆ ಇತ್ತೀಚಿನ ದಿನಗಳಲ್ಲಿ ಎಂಬ್ರಾಯಿಡರಿ ಕುಚ್ ಟ್ರೆಂಡಿಂಗ್ ನಲ್ಲಿ ಬರುತ್ತಿದೆ. ಹಾಗೂ ಇದರಲ್ಲಿ “ಹ್ಯಾಂಡ್ ವರ್ಕ್ ಮತ್ತು ಮಿಷಿನ್ ವರ್ಕ್” ಎಂದು ಎರಡು ವಿಧವಿದೆ. ಹ್ಯಾಂಡ್ ವರ್ಕ್ ಸ್ವಲ್ಪ ಎಕ್ಸ್ಪೆನ್ಸಿವ್ ಯಾಗಿದೆ.

ಕೊನೆಯದಾಗಿ,

ಎಂಬ್ರಾಯಿಡರಿ ವರ್ಕ್

ಎಂಬ್ರಾಯಿಡರಿ ವರ್ಕ್ ಇತ್ತೀಚಿಗೆ ಹೆಚ್ಚು ಪ್ರಸಿದ್ಧ ತೆಯನ್ನು ಪಡೆದುಕೊಳ್ಳುತ್ತಿದೆ. ಎಂಬ್ರಾಯಿಡರಿ ಎಂದರೆ ಹೆಚ್ಚಾಗಿ ಬ್ಲೌಸ್ ಗಳಿಗೆ ಮಾಡಿಸುತ್ತಾರೆ. ಎಂಬ್ರಾಯಿಡರಿ ವರ್ಕ್ನನ ಅಲ್ಲಿ ಎರಡು ವಿಧಗಳಿವೆ.
ಅದು ಯಾವುವು ಎಂದರೆ,
1) ಹ್ಯಾಂಡ್ ವರ್ಕ್
2) ಮಿಷಿನ್ ವರ್ಕ್
ಮೊದಲೇ ಹೇಳಿದ ಹಾಗೆ ಅಂಡ್ ವರ್ಕ್ ಹೆಚ್ಚು ಬೆಲೆಯಾಗುತ್ತದೆ. ಹಾಗೂ ಅದು ಮಾಡಲು ಕೂಡ ಹೆಚ್ಚು ಸಮಯ ಮತ್ತು ಶ್ರಮವಹಿಸಬೇಕಾಗುತ್ತದೆ.
ಕೊನೆಯದು ಎಂದ ತಕ್ಷಣ ಇದೇ ಕೊನೆಯದಲ್ಲ ನಾನು ಹೇಳಿದಂತಹ ಪ್ರಮುಖವಾದ ದಲ್ಲಿ ಕೊನೆಯದು. ಇನ್ನೂ ಹೆಚ್ಚು ಡಿಸೈನ್ಗಳು ಉಂಟು ಅದನ್ನು ಎರಡನೇ ಭಾಗದಲ್ಲಿ ವಿವರಿಸಲಾಗುತ್ತದೆ.

ಸಂಗ್ರಹಣೆ
ಛಾಯಾಚಿತ್ರಗಳು
1) The beauty Tailor shop
2) Sagar embroidery worker
3) Instagram

ಮುಂದುವರೆಯುತ್ತದೆ…